《#蠟筆小新劇場版：謎團⁈天下春日部學園之嫌疑事件簿》
估佢唔到咁好睇… 正過前兩集好多
鹹濕亂來嘅蠟筆小新從來都被認為教壞細路
但劇場版就往往充滿教育意義
而今次講的大概係崇拜精英階級主義嘅盲目
做自己最好唔使理人點睇
前段要介紹人物故事背景唔算話勁正
開始有案情，基本上都唔打算俾夠線索你推論
發展落去小新用神邏輯破案係驚喜地勁好笑
表面睇落係偵探主題，結尾實質係套運動電影
竟然發展到兄弟反目，救老友出深淵，賽場上競爭
有笑有淚青春熱血嘅長跑比賽
未見過咁認真、咁識諗嘅小新
前段鋪設嘅角色都有喺過程中幫到手
笑位定係懸疑探案劇情都寫得圓滿精彩
全場氣氛超級好，不停拍手大笑
每年都只係陪女版主睇
今次完場我仲high過佢🤪🤪🤪🤪🤪
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 影患有救！
Neofilms 新映影片
Search